Terra de Pedra Na Chom (Cantiga Crioula de João Doido)

Terra longe de pedra na chom
chuva mansa ca ta gostâ del.
Nem mato brabo ta gostâ del.
- Coraçóm triste, nha coraçom,
amor pirdido ca ta conchel.

M'a largâ teto de nha papai
m'largâ sombra de nha mamãe,
m'dispidi de nhas armon,
m'dexâ mato de nha arrebera,
note cerrado m'po pê na camim,
m'ba pa terra de pedra na chom,
m'panhâ pedra na chom,
m'lavantâ casa pa mim
ma pa nha coraçom...

«- Dam' teto pa nha casa»
m'desê nha terra brabo,
«Água de nhas ojo em brasa
é chuva que m'podê dábo...
Coraçom tem frio de nha peto.
M'dábo chuva de nhas ojo terra,
bô dam' casa sem teto...»

Terra brabo depôs falâ:

«- Fazê teto de nhas mato verde
que chuva de bôs ojo dâ»

Manuel Lopes, Faluncho Ancorado,
Lisboa, Edições Cosmos, 1997.